Дела цхьаъ варан жайна

Описание

ХIокху жайно Iамадо: уггаре коьрта долу Дела цхьаъ вар, динан бух лоруш долу «Кхин дела вац АллахI бен, Мухьаммад Цуьнан лай, элча ву» боху дешнех нийса кхетар, цуьнца Iамал муха ян еза, АллахI реза хир волуш муха ала деза, иштта ширк а, ширкан тайпанаш а, хIунда аьлча, ширк ду - дуьне а, эхарт а дакъаза доккхуш дерг, ван ма-веззар АллахI цхьаъ вар а, бусалба стага шен иман а, Iакъидат а муха лардан деза а, доIанаш цхьана АллахIе дан дезаш хилар а, бала дIаайбар а, гIо даитар а, оьрца доссор а – цхьана АллахIан карахь хилар а, бIаьрг ца хилийта а, цхьана пайдане сатесна а лагжайнаш а, хIайкалш а охкаран хьукма а, шен хьашташкахь цхьана АллахIе верза везаш хилар а, болх Цунна тIебиллар а, бозбуунчаллех а, хиндерг хаьа бохучарех а, пал туьйсучарех дерг а, беллачаьрга кхайкхар а, цаьрга тIера баланаш дIаайбар дехар ширк хилар а, дитташкара а, тIулгашкара а беркате сатийсаран хьукма а, доьгIначунна оьгIаз эха ца магар а, дуйнаш дукха даарах дерг а, суьрташ дахкар даккхийрачу къинойх къа хилар а, ширк хьадолу хьостех цхьа хьост хилар а, кешнаш даздан а, царна тIехь гIишлош ян а, уьш лаьттара лекха хьалаийдан ца магар а. Доццу аьлча, цIенна АллахI цхьаъ муха ван веза а, ширках муха лардала деза а, Iакъидат цIена муха латтон еза а.